زجلية يا زمان

مهما دويتْ ، عمرو مايفْهمْني

، بْحالي فْيوم تعلْمو الظروفْ .

..............



يا زمانْ شفْت منكْ العجايبْ

و انا مازالْ فعزْ الشبابْ

يازْمانْ وريتيني الغْرايْبْ

منْ بعادْ عليا والاحبابْ

آشْ منْ زمانْ هذا اْنْت

ناسْكْ قْلالْ و كثْرو فيكْ الذيابْ

القلوبْ البيضة فيكْ مهمومة

سيلتْ دمها بظفارْ حادة و نيابْ

العقولْ الناضْجة فيكْ صابرة

ألف سؤالْ يخطرْ علْ البالْ ولا جوابْ

و الباردْ كْلْبو قْليلْ الفْهامة هاني

و مولْ النفسْ دايْما فْعْذابْ

ناسْكْ كْثيرْهمْ خْبيثْ و ما مْقادْ

يضرْ غيرو بْلا سبا بْلا سْبابْ

............

و اليومْ يازْمانْ ارْتاحْ الشيطانْ

و خْذموهْ منا صْغارْ و كْبارْ

و الناسْ اعتامدو عْليهْ فْكلْ حاجة

و انساوْ اللهْ الواحدْ القهارْ

..........

دْموعي عْليك يازْمانْ ضاعْ الحقْ

و صارْ الظلْم يحْرقْ كيفْ النارْ

دْموعي علْ الفْقيرْ يتْقطعْ بالجوعْ

و الغني مثْخومْ ليهْ جارْ

دْموعي علْ اليتيمْ بينْ الناسْ ضايْعْ

و سالتْ دْموعو ليلْ و نْهارْ

.........

و اللي عْما منو نشْكي و يشْكي غيري

عايشْ فيكْ حيوانْ ضايْعْ ملْهوفْ

مهْما دْويتْ

عمْرو ما يْفْهمْني

بْحالي فْيوم تْعلْمو الظروفْ

---

هذا الموضوع منقول من :: منتديات دفاتر التربوية :: يمكنك زيارته في اي وقت للاطلاع على مواضيعه

---