فاض كاسي

فاض كاسي من حــرْ الشــوق و شانــتْ حوالـي
من فعايـل الحبيب لّــي شْعـلْ في حياتي جمـرة
حْســـانْ لوفـــــا منّـــــي شــلّا غْــــدر ولاّلـــي
شفايتــي فْعيــون العديــان زادتْ بْلايــــا قَهـرة
مـــنْ الصَّــدْ كوانــي نيـــرانْ خْبــلات خْبالـي
كُنت هانـي ففراشــي ولْيـوم رانـــي في لْعــرا
حالْ الغْزالْ زْهــا وَ نــا لْهَـــم كـــدّر حـوالي
راهْ يا ناسـي ما نفعـت فيـه يامــات لْعشــرة
كثـــار الحديــث أخويـــا و التّاحْــدوا عذالـــي
على خلايا يجــريوْ و لا عْنـــاوْ لـِـيَ بِجــورة
تطايْرات سْهــوم الصِّيــدات جـــات فوصالـي
مْحــزمَة بنْيـــاب الحَيّــات كَتْشالي بضـرورة
كـل مهمــوم إلى هـــزَّتْ بيــه لْهــوالْ يلالــي
يْتفاجــى همّــو تشفـــى لُــو جْراحـــاتُ يبـــرا
وانَيَـــا ضــرّي عشّش فــي رْســومْ دخالــي
من فقايـس لْعدى خْبِّيت ليهْ ســرُّ فـي حفــرة
آحْ على لِّي هجْراتو لـرْيام بعدما ثـاق بحالـي
يتعــزَّى فحياتــــو ياخليــــل نـــــارُ مسعـورة
آحْ مــن ذاك لّــــي يحلــــف بطْعـــام ديالـــي
و سْيوفـــو تقْطــع قَطْعان ما يفكر في عبــرة
قــــــادْ الوقت يْغَنّي ليـه بجْديـــــد و بالــــــي
و ينغّص حيـــاةْ لِّي خدعْ عثــرة فــي عثــرة
دابَ تسْطابـــو لْهــوال و يـــذوق حْمــــالـي
ساعْتها يعرف ما قاسيت في حْبالات الغدرة